Albisteak

Easo gazte abesbatza

Datorren igandean, otsailaren 5ean, Berrobiko Udalak antolatutako Berrobi Kantuz I. Abesbatza Zikloko bigarren kontzertua izango da. Hitzordua 19: 30etan izango da San Andres Apostoluaren elizan. Bigarren honetan, Easo Gazte Abesbatzak lagunduko digu, Hitza eta Ahotsa errezitaldiarekin, eta Easo Abesbatzako zuzendari artistiko Gorka Mirandak zuzenduko du, Sofia Chacon pianoan lagun duela.

2023·02·04


Ekitaldi berezi honetarako, Easo Gazte abesbatzak poesia oinarri duen programa aurkezten du, ezin konta kolore eta ehundura hedatzen dituena. Lehenengo suite-a, Mamu kantak, Euskadiko Orkestrak beste hiru orkestra britainarrekin batera egindako enkargua da Gary Carpenter (1951) konpositore ingelesari. Marion Angus, Robert Louis Stevenson eta eskoziako ahozko tradizioaren testuak baliatuz, loaldia eta esnaldia, argi eta itzalak, lanbroa eta izaki zehaztugabeak biltzen dituen giroan sartuko gara. Witold Lutosławskiren (1913-1994) Three Children’s Songs abestiek folklore poloniarraren erroetara eramango gaituzte, hain zuzen ere, abangaordiaren konpositore garrantzitsuenetarikoaren eskutik. Azkenik, Bob Chilcotten (1955) obrak Federico Garcia Lorcaren unibertso samurra agertuko zaigu modu finean. Cuatro baladas amarillas olerkiak, 1922an idatzita daudenak, Manuel de Fallarekin izan zuen lehen topaketaren ondoren, urrezko zelaie eta uztak markatutako paisaia marrazten dute.

 

Bigarren kontzertu honen aurretik, abenduaren 22an, Gontzal Mendibil euskal kantariak eta Easo Abesbatzak San Juan de la Cruzen obra mistikoko San Joan Gurutzekoaren poema musikatuak entzun ziren.

 

Berrobi Kantuz I. Abesbatza Zikloko hurrengo kontzertuen datak honako hauek izango dira:

 

- Larunbata, otsailak 11, 19:30ean, Eskifaia Abesbatzak, Gorka Aierberen gidaritzapean, Hondarribiko abesbatzak bidaia musikala egingo du munduan zehar, "Kantu eta kontu" izeneko kontzertuan. Bertan, espiritual beltzak, boleroak, Baltikoko folklorea eta euskal kantak entzun ahal izango dira.

- Larunbata, martxoak 18 19: 30etan, Oñatiko Ganbara Abesbatzaren eta Aequus Ensembleren musika proposamen berria entzun ahal izango da. Inspiratio da, eta musika koralaren konpositore eta sortzaile handiak ezagutzera gonbidatzen gaituzte, hala nola T. L de Victoria, J. Brahms edo F. Mendelssohn, baita J. Runestad, A. Cadario eta E. Whitacre ere.

 

Berrobiko alkate David de Miguelek joan den abenduan egindako prentsaurrekoan adierazi zuenez, Berrobi Kantuz lehen zikloko zuzendari eta Easo Abesbatzako zuzendari artistiko Gorka Miranda eta Aritz Alkain Kultura zinegotziarekin batera, lehenengo ziklo honen helburua abesbatzen kultura musikala Berrobira eta Tolosaldera hurbiltzea da, eta lau kontzertuek euskal koru tradizioaren askotariko erakusketa eskainiko diete herriko bizilagunei. Beraz, horietako bakoitzean parte hartzera animatzen gara.